九 月 十 八 日
 | ||
|
入院第二日 星期一，一個比我大兩年的姐姐今日早上唔係度lu，佢媽咪喊得好大聲，仲話「養到個女 咁大都要走....」真係聽到都好心酸，我都同過呢個姐姐同房，佢媽咪誤信左一個唔好的 中醫，發現時癌細胞已經98％了，可能現在呢個結果對她係比較好，因為唔洗再接受無止 境的醫療，曾幾何時我都這樣想。 一訓訓到晏晝十二點呀，一起身就見到床邊多左一疊雜誌，神跡？當想入人地房借洗手間刷牙時，忽 然聞到好大陣pizza 味，咦？違禁食物喎，因為芝士係菌，所以我地病房無人敢食架，入 到去，個姐姐仲好豪咁話「仲有一件呀，你食唔食呀？」食呀....我都想....嗚~~最後都 係口不對心咁拒絕左，嗯，真係好鬼香。兩、三點又無野食，一個人悶悶下，開始好似想 作嘔(其實可能係悶得滯，悶到嘔。)，於是就拿左包之前係零食物語買的梅出黎食，諗住 可以無咁想嘔，係幾有效，不過愈黎愈肚餓，唯有用訓覺黎阻止自己肚餓，點知訓得一陣 ，一起身就又想嘔，咁橋我個朋友剛剛到，我就話「幫....幫我....拿個....嘔....嘔兜 ....俾我....」話都未說完，我就嘔到一地都係，仲要係嘔綠色，好似人地中邪果ｄ，等 到嘔兜黎到，我到嘔乾淨晒lu，姑娘問我食過咩，我唯有心虛的答：「菜」，費事挨鬧喇 。哎呀，愈夜我就愈覺得唔服，六點幾 karry、呀翠、tony、dick、明哥哥一班展大好朋 友黎左，不過体力不支，所以招呼不週。做小丑的明哥哥用氣球整左朵好大的花花，仲有 金鷹呀，嘻，好鬼威，搞到變左兒童病房。到左十點幾，我又嘔左一兜綠色，嘔得出都舒 服ｄ，不過無胃口，所以無食過野就訓，訓到十二點幾，起身又嘔一兜，再訓，一點幾又 起身嘔第二兜，真係黃膽水都嘔埋，好辛苦呀，嗚~~ | ||
| 九 月 十 九 日
| ||
|
入院第三日 星期二，半夢半醒下聽到姑娘講「綽姿，你發高燒呀。」，OH~~我的天呀，唔係喇fa，咁 咪即係唔洗出院？九點幾就俾呢個壞消息嚇醒左，又發燒又唔舒服，係張床度典下典下。 得番半條人命，仲要推我落去照肺，我問病房果個實習醫生我個肺點，佢話花花地喎，慘 喇，即係要住一頭半個月喇，之後再問主診醫生，佢就話我個肺無野，呼....花你個頭。 每次發燒就要抽血種菌，而我又最怕打針喎，緊係扁晒咀死嫘唔制喇，原本真係嫘到架， 不過第二個醫生又話都係要抽，唉....肉隨針板上，死就死喇，我叫醫生要「一擊即中」 呀，但佢又話自己唔係謝霆鋒，好彩一次就抽到，以前試過篤好多下都搵唔到條血管架， 所以提起抽血我就....嗚~~發燒燒到我傻傻地咁，咪講話行喇，講野都無力呀，所以朋友 黎到我都係自顧自的訓覺，夜晚 karry、tony又黎左，不過好唔舒服，兩日無食野，又無 力喎，佢地講野我都係以一個無力的笑容做回答，到左夜晚十一點幾，媽咪爸爸都走晒， 哎呀，又想嘔....但兩日無食野，仲可以嘔咩呢，竟然係辛苦到嘔左一兜白泡，經典經典 。 | ||
| 九 月 二 十 日 | ||
|
入院第四日 今日總算係舒服番好多lu，而且唔想朋友們擔心，所以一起身就提起精神，係醫院放羊呀 ，吊住鹽水咁拉住棵樹周圍走。其實星期三係病房裡一個較特別的日子，因為早上有「大 巡房」，好多大粒的教授都會黎，成十幾個人圍住張床講個病程，以前都好鐘意架，因為 日日困住係房，難得一日可以見咁多人，但現在唔鐘意lu，因為覺得自己好似一隻實驗羊 ，俾ｄ醫生仔亂咁點，左睇右睇，睇鬼蝕晒。但又淨係星期三先會開倉，唔係派米，係派 零食呀，好正架，有杯麵、餅乾、豆腐花....嘻，好好人的小明哥就派左一大堆野食俾我 ，兩日無食野，去整個杯麵食下先，行到入廚房發現新野喎，咦？朱古力手指餅呀，嘻， 我呢個病房小霸王，個個都錫我，又扭到好野食。哇哇哇，今日明哥哥、dick、kary、tony 又黎探我喇，今日咁鬼精神，梗係捉住佢地陪我玩uno喇，玩到八點幾九點我先放人，哥哥 係香港仔做廚房，佢特登炒左兜野俾我食呀，嘻，好開心呀，個個都錫晒呀咩，i love you all。 | ||
| 九 月 二 十 一 日 | ||
|
出院日 因為知道有得出院，所以成晚都訓唔著，晨咁早就起左身，一向發燒都係要吊多一個星期 抗生素架喎，點解今次咁順攤放我走呢？我又唔敢問喎，費事佢話「係喎，咁唔好走喇。 」，咁我咪好無辜辜？所以呢兩日我扮到好平靜咁，問左醫生三次「醫生~~(有尾音)我係 咪走得喇？」，佢次次都答「係」，真係不可思議喎。我到左踏出醫院門口果一刻先咁相 信呀，「哇！！！！放監喇！！」開心到我一路行一路四萬咁，番到屋企第一件事就係食 雲吞喇，哈哈，因為係醫院日日都想食。可能化療完，所以身体都係差一點，好累呀，去 訓左個晏覺，食晚飯之後就梗係執下我個吉場喇，我好勤力架嘛，咩~~ | ||
| 九 月 二 十 二 日 | ||
|
好想去玩呀 | ||
| 九 月 二 十 三 日 | ||
|
每天傻笑 哇哇，我今日又有朋友造訪喇，不過我屋企真係無乜野玩，玩uno又唔夠人喎，唯有兩個 人坐係度睇奧運喇，好緊張呀，乒乓波中國輸鬼左俾人，我一路睇一路同尋日畫果ｄ公仔 填顏色，我發現原來我係填色白痴，我好似庇護工場的員工，不停重覆同一個動作，咦？ 女飛人鍾絲幾鬼索喎，我有佢笑起上黎咁cute就好喇....五點幾呀如又上左黎喎，我地三 個展翅人又無無聊聊吹下水，唉....呀如話唔滿意我之前日記寫佢係蟹王喎，所以就夾埋 金鷹同我朋友蝦我呢隻手無博雞之力的小羊咩，咩 ~~~~我同呀如約定左要去讚石山食擔擔麵、去啟德買公仔、去銅鑼灣city super食日式燒 餅....好想快ｄ出得街呀。化療完個口成日淡淡咁，食咩都淡毛毛，搞到成日要食ｄ好咸 的食物，麻鬼煩。 死喇死喇，前一排偷得懶多，成日wet天光，搞到個日日日記淨係寫行程表都寫夠數，都 無點寫過ｄ內心野，玩係好開心，但成日掛住諗去邊玩、諗著咩衫、諗約邊個都諗鬼晒ｄ 時間，根本無時間去諗下周圍發生的事情背後意思，哈，我無病之前就係玩得太多太多， 所以個人好似唔識大，因為根本無用個腦去諗野，咩事都好，淨係識得傻笑、喊、怨，哈 ，真係名符其實「每天傻笑」，現在都幾好丫，一個星期化療，之後兩個星期休息，好好 學下點用個腦，之後再去玩、再去睇多點、學多點，接觸多些人和事。呀咩繼唔記得點畫 公仔後，又開始唔記得點寫日記，所以就走左去包包個網頁，睇佢寫的日記，呀！我記得 喇，我知我應該點寫喇，多謝包姐姐。 講個秘密你知丫，點解可樂廣告裡白雪雪果隻北極熊成日都有可樂飲，因為北冰洋下面唔 係海水，係可樂呀，所以咪成日有得添飲囉。 | ||
九 月 二 十 四 日
 | ||
|
拍拖為乜呢？ 係屋企上足一日網，哎呀，點解成日有人問我「做咩唔去wet 呀？」架，唉....唔好再問 喇，搞到我心癢癢，我夠想去玩喇，不過化療完無扺抗力丫嘛，要等一大排先有得復出架 ，唯有用icq 同朋友chat住先喇。其實我都幾鐘意同人傾計，不過就非常憎ｄ無禮貌的人 ，有個icq 人不斷話要黎探我，係，我唔排除會同icq 朋友成為真朋友，但那個人一定不 會是惹我討厭的人，他不停問我要咩野禮物，我都好客氣咁拒絕了，而且會見到佢的機會 亦好微呀，但他不停煩住我話要送野俾我就令我好反感，結果我唯有說「我屋企唔係你想 像中咁窮，甚至可能有錢過你屋企，不如你話俾我知你想要咩喇。」，哎呀，石頭先生， 網開一面，唔好再煩我喇。 好安詳咁訓左幾個鐘頭晏覺，唔講唔知，我都幾奇怪架，餐餐晚飯我都叫工人煎兩隻蛋， 鼓油何包蛋撈飯，其他野都唔食，不過今日特別ｄ，食煎午餐肉，其實我以前唔鐘意食午 餐肉架，不過自從入過醫院，果度最好食的就係午餐肉，因為其他菜都好淡，得呢樣係鹹 ｄ，自從果日我對午餐肉就有一種無名的好感。 媽咪話bess姐姐幫我報左「呼吸班」，係下個月六號至八號，朋友問我點解要學，我口多 多答「有左囉，學定生bb果陣點呼氣吸氣。」，哈，我又忍住啖氣唔笑好認真咁講喎，結 果就騙左佢三分鐘咁多喇，哈哈，其實我係想學健康的呼吸，健康的生活和思想，唔知到 時我可以領悟幾多呢，等我學成歸來喇，等我再係度傳授俾各位。 兩個幾月前的失戀，令我對「拍拖」的感覺改變很大，曾經再親再親的一個人，都可以出 賣我，哈哈，好一個無承諾、無体育精神的遊戲，愛情只不過係一個無戀愛的人才相信的 童話吧，同時我亦都有一個好奇怪的疑問，「拍拖的結果係分手，咁拍拖黎為乜呢。」， 付出了的時間、精神都好似白費左咁，拍拖前係一個人，分左手之後又係一個人，咁究竟 兩個人一齊係為咩呢，你知唔知係為咩呀？ 今日係康年生日呀，忘記了fax 給他說聲生日快樂，嘻，「migule~happy birthday！」。 | ||
好似未睇<-------------昔日發傻------------>真係為乜呢