走唔甩

::::::二月十 五至二十日:::

   其實呢幾日個口都好痛，年三十果日臨走 時輸過血小板，到而家都應該用得八八九九，因為呢兩日果 d 牙又唔停咁涔血喇 >.< 

九點前要返到醫院，哥哥放低我地之後又去水塘訓覺，媽咪話睇下輸完血小板走唔走得，要哥哥等下先，我就梗係想啦 ~~

返到黎就係要抽左血先，醫生巡房時話，睇下個報告點啦，如果血小板真係低，輸完先走啦 ~~~呵呵呵~~~~有得返屋企就係最好 ~~冇野好做 ~~~~又訓下先 ~~~

咩咩訓左，我就坐在她的床邊織我的繩結，冇法啦 ~~~~手作仔，唔織就冇野賣嚕。今日係年初四，本來見到 d 呀嬏要俾利是，一來真係冇錢，二來又怕唔知會唔會觸犯法例 (嘻嘻 ~藉口^^) 總之就係尷尷尬尬咁.....都係冇俾 ;-p

 訓醒就覺得有d 頭痛，一探耳仔，38度幾...嗚嗚嗚~~~~~~唔駛醫生講都知冇得走，唯有打電話叫哥哥走先，媽咪留低陪我....................

四日後~~~~

發燒要吊五日抗生素，吊哂冇燒就可以出院，昨晚醫生已講定話俾我出院，所以媽咪一早就拎定衫黎

(羊媽媽憶述) 《昔日傻笑》