第二十三個星期

三月十三日至十七日
能安慰自己的人比較容易快樂無左個email，即時無晒心機，因為我有電腦至今，主要都係用呢個email，好多account password既信都響晒入面，仲有一ｄ舊朋友既信喇，呀德寄俾我六十幾封既e-mail喇，同埋一班展翅朋友contact 我，都係會寄去呢度，唉....死喇....最衰都係貞子，寄咁多毒黎毒死我個e-mail，唉....不過唔死都死左，貓死不能復生，唯有睇開ｄ申請過第二個 e-mail account，解決左當前急務先喇。唯有安慰自己，朋友一日響度，果ｄ信都唔係咁難以彌補。之後幾日我偶然都會試下登入舊account，但係每次都失望而回。以前就算個account爆晒，朋友寄俾我既每一封信，我依然係唔捨得delet ，但今次遍遍一次過都遺失了。有日，我忽然想起，我寄給博益篇輯那封信，為什麼一直得不到回覆，才醒起「哎呀，我個e-mail 無左喎，咁....就算佢覆我，我都收唔到喇。」唉....算喇....呢ｄ野都係講緣份既，唔係我既就唔係我既，不過始終都有ｄ唔開心，覺得好唔扺。本來都諗住認命架喇，然後有日個朋友send左個hotmail 既網俾我，我就依照上面既方法，試下e-mail去hotmail ，請佢幫我開番個account ，其實祈望都唔大架，因為我只係一個小小小客戶，人地又點會理我喎，不過做左先算，起碼我又盡過力。hotmail 寄番一封信俾我，叫我答番晒申請時所填既資料，咁佢就俾番個密碼我喇，哇....我唔係唔記得密碼喎....我係開唔到個account 咋喎....是但喇，填左先算，不過果時因為係仲未識用電腦，所以全部都係肥基同我填，結果佢話我資料不付合，唔肯俾密碼我。之後每一日我都寄一次信去，話俾佢聽我既情況，然後佢又回覆我每一封，唔知幾多封書信之後，可能真係嫌我太煩喇，終於肯俾一個新既密碼我登入，嗚~~~~我開心到暈呀，不過開番個account 之後，發現有幾封信俾人開過 ....希望我個account 無俾人hack過喇.... 上次去舅父屋企，佢話借部建身單車我玩呀，嘻嘻，好野。哥哥幫我響舅父度車左番黎，但係屋企咁細，放響邊呢....唯一有少少空間都係我間房。搬果時都幾煩呀，因為我房個門又窄，部野又大大舊，結果就放左響窗前面既位置(其實淨係可以放到響窗前)，對住個窗口，果種感覺好似響個天度踩單車咁，個窗望落去有個網球場，又有公園，好正呀~~~~ 擰過去右邊又有得睇電視、聽音樂，左邊又有得玩電腦，撻去後面就係床喇，嘿嘿，好似一個小小遊樂場咁。初初幾日我都好有mood踩架，次次都踩幾公里先肯停車，新屎坑嘛。有日我仲好有興致咁，一邊聽gigi既「有時侯」，一邊踩單車，因為佢個mv入面都係踩住單車架，嘿嘿.... 有時候交談變得空洞沉默卻像溝通當情人那麼沉重當朋友反而輕鬆有時候孤獨可以寂莫也可以是自由能安慰自己的人比較容易快樂.... 玩左幾日之後，就開始無左當初既新鮮感，於是....就好少玩喇，嘿嘿....無計喇，時下青少年係貪新鮮架喇。

三月十八日

你呀媽無教你架？
唔知點解近黎每朝起身，都係唔多想食野，就算前一晚臨訓前係幾咁肚餓都好，而且我起身時都成一點幾，再等有胃口時，都已經差唔多三點幾四點，唯有多等兩個鐘，食晚飯先一次過食喇....麻麻稱之為「單條飯」。其實長久黎講對身体都係唔多好既，所以今日我起身點都食ｄ野，因為我好怕就咁飲奶，所以就溝埋粟米片一齊食，ｄ粟米片係之前我叫媽咪買架，不過買左又唔想食....咁好敗家女架喎，好，食就食喇。因為粟米片本身係有糖架，所以愈食ｄ奶就愈甜，呀....甜到我塊面都變左藍色....頂唔順，食淨左半碗。近黎我好怕食甜野，維他檸檬茶果ｄ唔在講喇，連維他奶我都聞奶色變。尋日三嬸黎我地屋企食飯，買左兩包薯片同king size 既能得利糖，食左幾粒之後就覺得好甜喇，要不停飲茶解甜。換骨髓之前我好鐘意食甜野架，但而家就怕怕喇....
記得我初初整網頁既時侯，對好多野都會ｒ晒頭，感到好無助，但整左網頁都有成兩年，而家好多野都略知一二喇，所以好多人問我野，我都會全力去幫，因為我曾經都好似佢咁。但而家我唔太鐘意幫人喇，每一次人地問我野都好有禮貌，然後我會好努力咁去我幫佢解答，幾唔得閒我都幫佢拍搵，但當我滴著汗、喘住氣跑回來解答他後，他就轉身走了，連一句「唔該」都無。最初我都會覺得係個別例子，然後每次都繼續努力去幫人，但日子久了，我開始覺得果ｄ人係覺得我幫佢係應份，我亦開始感到沮喪，可能你會覺得我幫人唔應該太過著意「回報」，但就算我係你隻狗，我咬住你丟出去既拖鞋回來，都希望你會摸摸我的頭，讚嘗一下我。
太多人add我，係為左要利用我，所以我寧願佢地唔好add我，如果真心想同我做朋友，我諗佢唔會介意e-mail俾我既，所以我就偷偷地收起自己的icq no，請那些當我係狗既主人們放過我吧。
究竟我係應該為我有被人利用既價值而開心，定係為被人利用而傷心。
我幫過好多朋友整logo，幫朋友我倒十分樂意，而且佢地都信任我，喜歡我的東西，先會叫我幫忙，可以令朋友開心既事，我都樂意做。然後又有一些人會叫我幫忙整logo，其實我都會好樂意，因為自己又可以多一個學習的機會。
我記得有位not in list 的人，常常問我網頁的問題，我都一一解答，但每次都係一句「唔該」都無，之後佢又叫我幫佢整logo，我欣然答應，但之後佢就不停地講出自己既要求，當然一些簡單的我可以幫佢做到，但佢愈說愈複雜，我知道佢根本腦裡面已經有一個完美的logo樣子，但我始終唔係佢，點都做唔到架，結果在佢不信任我的情況下，我做左一個佢唔鐘意，我又唔覺得靚既logo，其實....佢咁多主意，我諗天下間都只有佢會知道點整。然後佢就好一臉委屈咁，收左我個logo，當然最後佢無用到，都係我意料中事。當我整完一大批相片logo給朋友時，佢又再次出現，要求我幫佢整一個，佢不停咁講自己想點整點整，又要什麼什麼公仔，但其實我根本都無應承過幫佢整，只不過係佢響度不停自言自語，我坦然告訴佢，因為我之前已經幫佢整左一個，而且佢品味太過高，恕我呢ｄ無乜品味既人幫唔到佢，然後佢就發我皮四....我樂於助人既一顆心，就係咁俾佢打敗左。
做太多吃力不討好既事，都係浪費大家時間。俾人搵笨得多，學精左，費事俾人響背後笑我戇居。
其實....重申一次，我無講過我個網係專業幫人整logo囉，如果係俾錢我整既話，我又唔介意你發我皮四呀，不過既然我係唔收錢幫你，請你都俾番少少教養我睇下，又或者你真係太信唔過我既品味的話，就自己搵人整喇，多謝合作。

之前睇左未<---->呀咩昔日發傻<---->跟住又點呢

三月十八日
你呀媽無教你架？唔知點解近黎每朝起身，都係唔多想食野，就算前一晚臨訓前係幾咁肚餓都好，而且我起身時都成一點幾，再等有胃口時，都已經差唔多三點幾四點，唯有多等兩個鐘，食晚飯先一次過食喇....麻麻稱之為「單條飯」。其實長久黎講對身体都係唔多好既，所以今日我起身點都食ｄ野，因為我好怕就咁飲奶，所以就溝埋粟米片一齊食，ｄ粟米片係之前我叫媽咪買架，不過買左又唔想食....咁好敗家女架喎，好，食就食喇。因為粟米片本身係有糖架，所以愈食ｄ奶就愈甜，呀....甜到我塊面都變左藍色....頂唔順，食淨左半碗。近黎我好怕食甜野，維他檸檬茶果ｄ唔在講喇，連維他奶我都聞奶色變。尋日三嬸黎我地屋企食飯，買左兩包薯片同king size 既能得利糖，食左幾粒之後就覺得好甜喇，要不停飲茶解甜。換骨髓之前我好鐘意食甜野架，但而家就怕怕喇.... 記得我初初整網頁既時侯，對好多野都會ｒ晒頭，感到好無助，但整左網頁都有成兩年，而家好多野都略知一二喇，所以好多人問我野，我都會全力去幫，因為我曾經都好似佢咁。但而家我唔太鐘意幫人喇，每一次人地問我野都好有禮貌，然後我會好努力咁去我幫佢解答，幾唔得閒我都幫佢拍搵，但當我滴著汗、喘住氣跑回來解答他後，他就轉身走了，連一句「唔該」都無。最初我都會覺得係個別例子，然後每次都繼續努力去幫人，但日子久了，我開始覺得果ｄ人係覺得我幫佢係應份，我亦開始感到沮喪，可能你會覺得我幫人唔應該太過著意「回報」，但就算我係你隻狗，我咬住你丟出去既拖鞋回來，都希望你會摸摸我的頭，讚嘗一下我。太多人add我，係為左要利用我，所以我寧願佢地唔好add我，如果真心想同我做朋友，我諗佢唔會介意e-mail俾我既，所以我就偷偷地收起自己的icq no，請那些當我係狗既主人們放過我吧。究竟我係應該為我有被人利用既價值而開心，定係為被人利用而傷心。我幫過好多朋友整logo，幫朋友我倒十分樂意，而且佢地都信任我，喜歡我的東西，先會叫我幫忙，可以令朋友開心既事，我都樂意做。然後又有一些人會叫我幫忙整logo，其實我都會好樂意，因為自己又可以多一個學習的機會。我記得有位not in list 的人，常常問我網頁的問題，我都一一解答，但每次都係一句「唔該」都無，之後佢又叫我幫佢整logo，我欣然答應，但之後佢就不停地講出自己既要求，當然一些簡單的我可以幫佢做到，但佢愈說愈複雜，我知道佢根本腦裡面已經有一個完美的logo樣子，但我始終唔係佢，點都做唔到架，結果在佢不信任我的情況下，我做左一個佢唔鐘意，我又唔覺得靚既logo，其實....佢咁多主意，我諗天下間都只有佢會知道點整。然後佢就好一臉委屈咁，收左我個logo，當然最後佢無用到，都係我意料中事。當我整完一大批相片logo給朋友時，佢又再次出現，要求我幫佢整一個，佢不停咁講自己想點整點整，又要什麼什麼公仔，但其實我根本都無應承過幫佢整，只不過係佢響度不停自言自語，我坦然告訴佢，因為我之前已經幫佢整左一個，而且佢品味太過高，恕我呢ｄ無乜品味既人幫唔到佢，然後佢就發我皮四....我樂於助人既一顆心，就係咁俾佢打敗左。做太多吃力不討好既事，都係浪費大家時間。俾人搵笨得多，學精左，費事俾人響背後笑我戇居。其實....重申一次，我無講過我個網係專業幫人整logo囉，如果係俾錢我整既話，我又唔介意你發我皮四呀，不過既然我係唔收錢幫你，請你都俾番少少教養我睇下，又或者你真係太信唔過我既品味的話，就自己搵人整喇，多謝合作。