太倦了…呵呵….. 巴士上，不知不覺地閉上滿佈紅根架雙眼，開始進入周公時代。正當與周公"打得火熱之制，電視播出一種令人剌耳架聲音，將一個剛剛工作了一整天架廉價勞工改變了。這個廉價勞工便努力地張開雙眼，看看發生乜事。電視只播出五大個字---"網上情未了"。心想，又是情侶架肉麻說話啦 ! 於是看看那個厚面皮會講出什麼話來，鏡頭一轉，只看見一個身穿紫色病人服架女仔躺在床邊，向探望佢架人揮手。跟住便知道那個女仔叫"亞咩"，心想"亞咩"那麼得意的名字。於是便吸引了我架注意。嘻.....嘻......

放工後，知道吉場地址之後，便八八掛掛地進來探討棎討。但一係唔發市，一發就發三年！一個快要攰死架青年，能夠全神貫注地用0左三個鐘頭，將吉場睇一次，太感人啦! 心想只有電影先可能發生架事，點會實實在在咁發生0左係我眼前，仲要發生係一個咁可愛架女仔身上。難道神真係咁唔公平？

但又令我諗返起聖經一段經文" (傳道書3:1-10) 『凡事都有定期，天下萬務都有定時。生有時，死有時；栽種有時，拔出所栽種的也有時；殺戮有時，醫治有時；拆毀有時，建造有時;哭有時，笑有時；哀慟有時，跳舞有時；拋擲石頭有時，堆聚石頭有時；懷抱有時，不懷抱有時；尋找有時，失落有時；保守有時，捨棄有時；撕裂有時，縫補有時；靜默有時，言語有時；喜愛有時，恨惡有時；爭戰有時，和好有時。這樣看來，作事的人在他的勞碌上有甚麼益處呢？我見神叫世人勞苦，使他們在其中受經練。』

手指一算，上0左吉場不知不覺已經有三個月啦！每次睇吉場內容都有唔同架感覺，唔開心睇個陣時，會感得自己都好幸福呀，百物無所缺；當自己好開心架陣時，又會感受到咩咩個陣樂觀架心情。有時會諗咩咩如果冇病架話，佢會係一個點樣架女仔？佢會唔會真係咁堅強？真人會唔會更加鬼馬 ？ 但可以肯定架，佢係一個唔會輕易放棄架一個女孩。

 

亞咩呀...妳知唔知道妳個靚靚吉場對我真係有好大架改變... 未上吉場之前，我係一個冇乜方向架人，可能係自己剛剛出 黎做野掛，加上自己份工又唔係自己好想做個隻，但係，係而家架市道...冇計啦！當自己係一個唔願意留下架地方，但又無法離開架時候，真係有點兒那個架。但係，當我上黎吉場，我發覺妳真係一個好聰明架女仔，妳智商一定唔止得九，一定係好高呀。當我睇到妳同妳老死架文章，真係令我打0左個"突"！因為，妳地段段文章都令我有反思架時候。有時，人真係唔知乜野叫做珍惜，佢地只會覺得每樣野都係我應份得到架！你唔比我，就係你欠我架！
但係妳架見証，令我真真正正去諗，什麼是珍惜。當自己有份工，係唔係真係咁慘呢？我只不過係做緊一份自己唔多鐘意架工，但真係好過，有d人想做都搵唔到，我開始學會珍惜！有次，自己膽粗粗去探羊媽，同佢傾計，羊媽都會講返妳架野比我知，當我留意羊媽架眼神 (因為個陣時.....大家都要帶口罩...所以咪睇唔到個靚樣) 真係比我有好深架感覺，眼神帶點憂傷和興奮！
 

 

羊媽，妳同亞咩又比我見証到一樣野呀！就係"Never Give Up "。 我知道而個係唔係神比我架經歷，真係多謝神！因為，而個經歷太大啦！我學會了堅持，學會了愛身邊架人，不論自己架家人、女友、死黨、教會架弟兄姊妹同埋自己唔多鐘意架人，我都學會珍惜，又學懂了關心。
最後，想講一句......多謝神、咩咩、羊媽媽、羊爸爸，當然仲有羊哥哥呢！因為，羊家所發生架事，真係令好多人有所改變，有所得著。咩咩，願妳在天上能真真正正得到安息同解脫！

                                                  ~~~ 急救員Lehto ~~~3-7-03