閃靈 之開場篇 流星雨 

呢一篇本係羊爸爸預備在送別會上致詞的, 但因時間不許可,未能如願,現在就做這 "閃靈" 的開場篇吧!

                                         

羊爸爸致悼詞


          呀咩0既親朋、戚友、同學再加網友,今日大家都好有心,黎出席呢個送別會同呀咩薦行。
          

          1982年10月15日是我的女兒出世,當年我在外母處工作,在呀咩未出世時,同大舅打賭,呢個一定係女,結果擺滿月酒時有兩圍酒席是大舅輸的, 當時的高興是難以形容,我已經有一個仔,而家加多個女即是好字。

          雖然工作有寄人籬下之感,但每想起家中母親、妻兒,尤其女兒每次睡醒總是笑面迎人,所以甚麼也沒所謂了。
        

        因我們倆夫婦都是返工,一對小兒女都是由袓母帶大的,每天麻麻帶住妹妹送哥哥返學,終於連妹妹都返學了,穿新衣,著新鞋,背住新書包,拖住哥哥開開心心上學去, 到第三天就喊住不肯上學,嗚嗚~~~~0個度都冇麻麻,見唔到麻麻我唔返學喇~~~~~~


          轉眼間又上小學了,這段時間,印象最深刻是生病時要睇醫生0既先決條件,我唔打針! 記得有一次打防疫針,佢嚇到暈左,要麻麻去學校接佢放學。


         到升中學時被派了同區 band five 0既慕光中學,返學初期,遭同學籌旗 (搶錢)分黨分派,敬愛0既老師又移民,樣樣都令佢好唔開心,升上中三變左師姐級先唔怕d同學仔搗旦了。

         中學畢業後,轉讀設計學院,返展翅同民安隊,朋友就真係多左好多,睇見佢開心,我地都開心。


         惡夢也在此時醞釀,參加完民安隊0既訓練營返黎,就開始傷風咳,雖然有睇醫生,但都係唔斷尾,拖到過舊曆年,情況越黎越嚴重,跟姑媽、姑姐去深圳玩, 辛苦到死咁滯,連上幾級樓梯都喘晒氣。

          睇醫生抽血化驗,血0既指數極不尋常,再入浸會作全身檢查,初步証實係血癌,咁重0既病住私家醫院真係負擔唔起,經醫生介紹咁就入左瑪麗醫院;當時0既血科,瑪麗是手屈一指的。


         經抽骨髓証實,個正式病名係"急性骨髓性白血病",仲要立刻落化療,當佢知道左自己病0既嚴重性,喊左三日,就企番起身, 欣然面對連串0既治療同化療,八個月0既化療都失敗要立刻換骨髓,過程也真是淒涼,病房要隔離,初期還可靠電話同電腦跟外界連絡,但稍後喉嚨潰爛,食唔到野,仲要係咁嘔,嘔到冇野嘔仲嘔埋血, 甚至嘔到連眼0既微絲血管都爆埋~~~住左個幾月情況稍為穩定,可以出院回家,但都不能去街與外人接觸,驚受感染,不過,能夠同家人相聚都是最幸福的。

         但一次又一次0咁復發,做左兩次血幹細胞移植都失敗之後,醫生提議搵外人骨髓,成功機會得兩成,排斥亦會相對提高; 呀咩考慮過之後,拒絕左醫生0既建議,而希望有其他方法,求神問卜都試過,始終都遇唔到一個好中醫,醫院亦成為佢第二個家,既然路是自己揀的,所以佢都以開心、 歡顏同珍惜黎面對每一日,而我地也只可眼巴巴的等待那一天的降臨。


         佢爭取同屋企人、朋友的相聚,體力許可,我地都鼓勵佢盡情的去食、去玩、去唱,一路以來,SINA.COM 0既介紹 internet magazine、舒兒日報、uzone roadshow等等0既訪問,仲有你地0既留言、鼓勵,對呀咩黎講,都係一支強心針,其實佢可以支持到而家,你地都有好大0既功勞。

         唔知你地有冇聽過人電學,由去年開始,我每日都會電佢十零分鐘,課本上說是吸收佢唔好0既磁場,將血液過濾,但在我黎講,卻是父女0既心靈交流。即使佢在醫院, 我都會堅持每日去電佢一電,順便接埋羊媽媽返屋企!


        0係佢呢段重病期間,我地陪完呀咩之後再返屋企,已是十二點有多,踏入家門0既第一件事,唔係食飯沖涼,而係開電腦, 講呀咩0既病情俾你地知,你地0既留言亦帶俾我地安慰同鼓舞, 總覺人間有情;但當睇番呀咩0既日記時,我d眼淚就忍唔住掉下來了,佢好似帶緊我去玩,講緊野俾我聽,令我開心又痛心!佢0既生命雖短,卻可以活出彩虹!

       祝願今日黎到呢個送別會0既人,開心快樂咁過每一天,讓呀咩0既生命彩虹照遍你地。

各位有心有心,珍重珍重!  (羊媽媽代筆 )

 

後記  :這兩幅照片你地都會在 roadshow裡面見過 ~~~ 但後面的故事你知道嗎?

  這兩張相係拍於去年 17-7-01一個紅色暴雨警告的晚上,時間已差不多十一點,當時羊爸爸雖然穿了雨衣,但因是駕駛綿羊仔電單車的關係,到達時衣服鞋襪都已全身濕透,一路滴水咁行入血科病房, 當值的護士姐姐怕他冷親,給他一套病人衣服替換, 好讓他入房探望要換血幹的女兒,本來咁狂風暴雨,我都叫他唔好黎,但他說咩咩在醫院,唔黎唔得喎~~~~~。亦是我後來才知道的,就是他承諾了女兒,如果她在醫院...他一定 去探她 ~~~~~~~

到走時才發覺嬏嬏,不停用厚毛巾將羊爸爸換出來的衣服包來扭、來索~~  真係唔該你呢 !

還有護士姐姐~~~~你地既愛心連我地家屬都受惠呢~~~~~~~~~~~~ 羊媽媽憶述。

 

流星雨     
~~~~~~~~~~~~~~~~~

人生是有很多值得回味的地方,也有很多值得記念的事物,喜怒哀樂交織成一個多姿多彩的人生。


其實,所有的過程,平淡是福 ~人人也識講,失望與失落令你的人生陷入低潮,快樂與擁有卻是人生高潮的原素 ; 人生就是這樣,起起伏伏中渡過。

「喜怒哀樂」這些情緒可以令你回味無窮,當燦爛歸於平靜,您坐在梳化無所事事,您不想腦海一片空白的話,現在也是你想做就做的時候了,他朝當你靜下來的話,您就可以回憶你的過去而不會一無所有。

沒有傷悲...沒有驚喜.....當然可以平淡過一生 ; 真的要精彩一生的,試問又有誰做得到 .......
我可以玩世不恭...................不代表我沒有煩惱,有時我口不擇言,但一到正經野.......我就會很認真.....唔講得笑 ; 日常生活~~你見我講野口沫橫飛,但知道我內心世界的~~~~~~又有幾人?真係少之又少。

您有煩惱對住我,我可以令你狂笑不止.........您開心的時候,我又可以令您哭笑不得...........但當我唔開心的時候,只可講"耶蘇"或借醉吐真言.... 同咩咩吵咀,機乎衝入房去準備動手..........但明天又會若無其事或甚至更好.....

在咩咩心中.....我是一個很豪的父親,也是一個無微不至的男朋友的榜樣,所以我地都以 honey 互稱........

呀咩................是我一個夢 ! 她 ! 來去匆匆 !

回想當年她來到這個世界,帶給我地一家的歡欣 ,一仔一女 是一個「好」字,但她的離去,也令這個「好」字有所遺憾,也帶給我地無限的悲痛 ! 一齊生活已 20 年嚕,她的一顰一笑,她的活潑,她的開朗,她的一切.................如風一樣的飄走了,只留下回憶........回憶..........痛苦無 邊.......

她的一生,本是平平無奇,只因當年買了一部電腦,開始了這一片段,也令這個世界留下她的點滴 ; 到今天,我也未有勇氣去看她留下的說話(之前就係羊媽媽霸住部腦掛 ^^),但而家整好左部手提之後,先有機會接觸呢個網絡世界,剛學會打 速成,上網............還在「牛言版」試覆留言,但俾人串過後,而家唔敢亂答咀嚕,改去玩ICQ,不亦樂乎,最終忙到傻左 ~~~~~~~ 咩咩的網頁都仲係未睇.........  加上工作盡情投入,算係麻醉自己嚕。

回想咩咩的一生,平凡中顯出不平凡,她對生命的熱誠,積極,充滿毅力,對任何人都真,或說是率性而為,或說是天真,少少的幻想,也可開心老半天,她這種性格,有人鍾意也有人不喜歡,她曾經努力過.........成功過 ........雖然最後還是失敗過,但她可對任何人說「不枉此生」!!!!

每天打開報紙 , 都可看到一些年紀輕輕的男孩女孩,作奸犯科,服食軟性毒品,甚至自殺被殺......無所事事,試問佢地有冇想下身邊親人0既感受呢 ~~~~~

人生不如意事常八九,所以...你要開心每一天,要和命運開戰,不能講和,不能放棄,要積極面對,常想一二,盡全力去捕捉人生意義,不要浪費人生0既每一分一秒,不要呆坐等運到,記得要珍惜當下 ! 你做到沒有 ??? 你可以對自己說一句「不枉此生」嗎 ???

 

★BACK★