咩咩，妳有冇掛住我呀？妳梗係冇啦！妳成日都話唔掛住我，淨係掛住Sony貓、阿高同希希架啦。
見親妳傾電話都話好掛住人，就係唔同我講！>_<

      我同妳ICQ，用既第一個表情符號係 T_T，諗起都覺得自己好無知，以為妳全心隱瞞自己既病，
跟住將妳網頁睇左八成(而家都仲係得咁多 @_@)，先開始明白妳。
開始同妳ICQ時，我一on-line妳就同我講野，之仲有問我係咪鍾意男人(卒之我用行動證明我鍾意女仔)。
當初好奇怪點解妳強烈反對我地做兄弟/姊妹，原來妳唔想我地有親戚關係。
我真係蠢，如果我果時明白妳既心意，我就唔駛等到果日先有勇氣去作出表示。
 

 記得我仲放緊暑假，每日都去妳屋企，妳唔當面對我講，留Offline Message俾我，話如果妳陪唔到我就搵其他人陪我，妳話我一定可以搵到一個比妳更好既女仔(嚇我一跳，以為妳唔要我呀)……嘻~跟住妳又成日話淨係妳先會鍾意我。我諗淨係得妳咁傻，愛上一個傻瓜。
      

   其實我都好自私，我最開心既日子係妳換骨髓，同之後妳被禁出街既日子。我可以照顧妳又可以陪住妳。 我寧願妳日日都唔出得街，無論我放學、放假、測驗定考試，妳都可以在我身邊。
一齊睇VCD，妳打日記我溫書，妳久唔久入黎同我傾偈，或者幫我將我果杯冷冰冰既茶添上溫暖。
而換骨髓果時我就日日同妳玩電腦同View Cam，幫妳推果棵樹……不知幾多人羨慕我可以照顧妳呀(哈哈哈！！！)

       自從伯母俾妳出街之後，我知妳仍然重視我，妳知我唔鍾意女仔化妝，所以妳開始出街化妝或者陪妳買化妝品時，妳都解釋俾我知唔想面無人色。不過妳已經冇乜時間陪我，選擇陪朋友家人。喱幾個月既時間裡面，我久唔久就失眠，我唔敢話俾妳知，因為妳已經好忙嚕。果日本來同伯母講好黎探妳，不過上午十一點幾伯母就打電話黎，叫我唔駛黎……可能成日失眠亂諗野、幻想、假設，到真係發生既時候，心情好平靜，可能所有眼淚都已經預先流出。 但係當我經過同妳一齊笑過既地方，或者聽到見到關於妳既野  (咩、Sony貓、Qoo、太古城UNY、遙遠的她、快碼、觀塘、瑪麗……血癌)，又好似心有忐忑，有時都鼻子一酸。
      

或者妳已經成為我既守護神，守護住我同妳喜愛既人(妳咁多親朋戚友，咪好忙？)……哈！
咁不如成立一個教，拜妳既，我地只要合埋眼同妳講野，妳就聽到……嘻！可能笨家村會將呢個教成為村教添！！(開始發癲添，冷靜！！)

         由妳決定唔換外人骨髓開始，我一直等待奇蹟會降臨，祈望有一日血癌會無端消失，但現實唔係小說，奇蹟似乎係一種遙不可及既事。我從來冇主動同妳講過妳行緊入〝掘頭路〞，因為我唔想妳喊，我跟住又喊埋一份。
 

妳話過要嫁俾我架，不過我地如果有來生既話……約定妳 ！

        我地識左差唔多兩年嚕，但係差唔多兩年間，發生好多事︰由我剛剛入讀文憑，到我考完畢業試；由妳病變， 到收到伯母既惡耗；由只認識妳一個，到認識妳周邊既親朋戚友；由不甚了解，到擁有彼此間先知道既秘密。 一切都好似電影橋段咁，不過我既〝電影〞未完結，只怕太多既回想會令人被時代淘汰……偶爾一些回憶會被勾起， 但心情始終會收拾起來，面對每一個明天。

p.s.我已經慣左唔用香港字嚕，妳話驚有其它人冇裝〝香港字集〞丫嘛。妳係一個好傻既傻瓜，

傻瓜，傻瓜，傻瓜………

就在這一天，我認識了妳。

妳話妳最愛呢幅合照，我都好鐘意！

 呢間就係咩咩2000年11月第一日入住 的骨髓房::::::睇下::::::不過....眼都@_@