我係咩料 |
|
|---|---|
|
***記得睇到落底喎...否則你就唔知呢個網背後的故事喇 *** |
|
| 名字 | 阿咩(因為英文名meredith有個"咩"音，所以索性叫呀咩) |
| 真名 | 吳廣德 |
| 芳齡 | 真實年齡10+智商9 |
| 牛一 | 十月十五日 |
| 巢穴 | 青山醫院、金茂坪猛鬼戲院 |
| 現職 | 原本係讀兩間切雞的訓覺組長，上年三月起痴左線，入左青山。 |
| 艾都 | 楊千fa，陳曉東，Backstreet Boys |
| 外觀 | 矮，瘦，唔笑果時好正經，一笑先知原來係白痴婆一個。 |
| 內觀 | 喜歡佔小便宜，黑心，邪惡，講野唔行經大腦，太易相信別人。 |
| 性格 | 好易喊，但又好易笑，好聽就叫大情大性，唔好聽就係情緒化。太過貪玩，就算唔舒服都會堅持死出去玩。 |
| 死穴 | 傾電話時另一邊完全無聲、聽到cut線聲、打針、痛、鬧人、俾人鬧、聽到"溫柔"二字。 |
| 喜歡作者 | 張小嫻，梁望峰 |
| 喜歡歌仔 | 告訴我，逃避你，最後的歌。 |
| 喜歡飲食 | 美心的果撻，廟街公廁五蚊炸大腸，街頭格仔餅，道地綠茶，剛炸起的薯條 |
| 喜歡顏色 | 粉紅色，粉藍色。 |
| 喜歡公仔 | sony貓貓，九巴仔，凱西，熊仔。 |
| 喜歡蝦米 | 塗鴉，溝仔，溝女，溝bb，雪糕溝可樂，成日玩，成日笑，家中收藏的三十多隻玻璃介子，見到好多又得意又平既公仔可以買晒番屋企。 |
| 討厭蝦米 | 不停被問及病情，迫我信耶穌，響icq問我「what a u doing」，白痴，咪上梗網囉。 |
| 最難忘事 | 中五有人跳樓，仲跳正係一米近，搞到我成身都係血血、肉肉同腦槳。 |
| 喜歡的人 | 屋企人、nathya、笨德、呀諾、susuky、六月、bee狗狗、呀龍、呀基、呀如。(排名不分先後) |
| 烏托邦 | 西灣、鹹田、石澳、城門水塘、大譚郊野公園。 |
| 期望 | 當然係身體健康，快ｄ可以繼續番學，第時要爸爸、媽咪、麻麻享福，但又好似遠左ｄ，或者可能係同鐘意既人去西灣，一次就夠。 |
| 威水史 |
|
| 理想對像 | 一定要大口，陽光檸檬茶feel，短髮(最好短過我喇)，正經時可以好正經，搞笑時可以好玩得，係我欣賞既人，如果有架綿羊仔的話就更完美喇。 |
| 口頭隻蟬 | "好驚喎"，"唉~~"，"好悶呀"，"好掛住你呀！" |
| 生網工具 |
|
| 呀咩金句 | 好多人覺得自己好慘，所以就響不幸中生活。而我就自以為好開心，所以就好幸福咁活著。 |
| 二奶網頁 | 凱西的烏托邦 |
| 我有咩講 | 唔好話我堅強，其實我好軟弱架咋，每次辛苦我都會喊，我去化療唔係因為我堅強，係我怕死。唔好話我好勁，有血癌唔係我揀架，我寧願唔勁，做個普普通通既人。 |
| 羊媽有咩講 | 咩咩已經o係2002年6月16日離開o左呢個世界，雖然佢係走o左，但都希望你 地會時時黎坐下。 以後這裡就由我打理，但自幼家貧書少讀，所以希望你地留言，請多用中文，唔駛我查字典呢! |
| 咩咩新住址 |
將軍澳墳場靈灰閣，第一灰樓，南翼六樓350 號 (可由油塘地鐵站撘的士上，在辦事處落車行五分鐘，可慳一半錢) 那裡是開放式，你地可以隨時探訪，但記住要下午四點前~如果你想近距離同佢傾計，就要帶埋膠布或矮仔，坐低慢慢傾喇~~ |
| 咩呀 | 所有"咩料"粉紅色字是咩咩原作，藍色字則是羊媽媽後加，可選擇性收看。 |
| BaCk |