三十七度的淺水灣
2000-7-30,次都算係最多人去玩既一次,總共有十三個人呀(不過有兩個熱得滯早走,另一個就唔知去左邊,所以得十個人影相。),佢地全部都係我民安隊or人際關係 or慕光的,所以佢地係大家唔識大家,淨係識我一個,哈哈哈,所以果日最開心果個係我。
  • 左起,高嫂。呀高的女朋友呀,好純品的,連我也忍不住想去保護她。
  • 呀高。六尺一寸的呀高,我地係響民安隊識架,佢係我隔離組(係囉,就係唔知點解咁都 會識,可能我太出名喇,笑。)。哈!又係乖乖仔一個。我有兩個朋友做救生員,佢係其中一個 ,所以大家去酒店游水千企唔好浸親。
  • 玩到癲左既呀咩。
  • 靚女kk。人際的同學。好靚呀!好似張柏芝呀!但東東始終都係我的。佢係我識既朋友當 中,非常難得的又乖又好人又靚,真係絕種架喇。
  • 樹熊老師。中學的同學+契哥哥呀,他實在像一個....好媽媽,常常照顧我,去沙灘當日 佢仲送左隻好鬼大隻既麥o麥俾我,嘻,好得意架,多謝晒。
  • winnie。人際的同學,有佢係度包唔會無野講呀。不過唔知點解佢成日不停咁換男朋友, 勁!
  • 邦邦。中學同學+好朋友+網頁師父。無佢教我,我就生唔出呢個網頁喇。邦邦響我眼中係 一個不會長大的細路仔,同佢一齊既感覺好像大家都變成小孩,忘記一切成年人無謂的煩腦。

  • 呀如。民安隊上刀山落油鑊的好兄弟,我俾人打都係佢撐我咋,嗚~~~呀如你實在太好喇。 雖然我成日串佢,佢成日話好傷心,但呢個係我表達愛既方式嘛,愛我就要受我虐待架喇。

  • 龍哥。係民安隊的大呀哥,訓練果陣個個食飯都要嗌聲「龍哥食飯」,幾威呀。我仲記得 上堂點名果陣,我非常留心地聽下佢叫咩名,因為果即我以為佢係唐文龍,所以想証實一下。 龍哥心地好好架,我同佢都係傻傻更更,曾經吹吹下水引出一個好理論,就係「要活得簡單, 先係最難」,係咪好深呢。
  • 雞博士。中學的同學。同學都叫佢雞佬,我都唔知點解。

    當日精彩日記