| 我的同房 |
|
|
2001-10。瑪麗醫院k20病房，過左生日之後就入院嚕，原因又係白血球過多，同房既係同我一樣十九歲既女仔，叫美華，佢住澳門架，黎香港醫病仲係澳門政府俾晒錢添，幾好呀。美華好nice架，仲記得有朝早我剛剛起身時，發現床頭有支qoo橙汁，原來因為前一晚我地一齊睇到qoo廣告都大讚得意，所以佢落開七十一買早餐見到就買左支俾我喇，果次係我第一次飲qoo。之後有一次我提過想食朱古力，佢又靜靜雞買俾我食，真係好到暈呀，唔怪得知姑娘、醫生都錫佢喇，連我都好鐘意佢呀。美華臨走前幾日，我地傾計傾到夜晚成點呀，唔係傾個病喎，係傾...少女心事囉，呵呵，大家都係細路女嘛，病房好難得有年紀相約既病友架。
<<美華後來要換骨髓，但手術後，情況沒有好轉，12月尾就走了>> |
