切雞佬

★切雞佬★MY DESIGN CLASSMATE★

★殺人王yoko★攝於1999年11月

yoko。是不是覺得他好斯文呢，他是我們gd24的班長，但是....他的真面目其實是一個變態婆，他上堂常常打人，我和同學sammie就是其中一個被侵襲的目標，半年來受盡欺壓，一穿涼鞋腳指就受罪了，他怎至用Ｔ尺攻擊老師，戰鬥格十足，但他的正職竟然是某公司的總監，而且是燒蒜蓉包的高手，果然世事無絕對，總有真情趣(好似無關係....)。不過他沒讀了，好掛住你呀，yoko。

★羊咩被欺壓的証據★攝於1999年11月7日

看，yoko又在作惡了，唉...我就是被他騎著那個...大雄...他就是技安。

★香港切雞學院★攝於1999年11月7日

他們都好好的，有些是上年中五畢業，有些是出來做事的了，個個也好玩得，絕不生氣。

因為有一個同學是bio老師，上堂時我們常常借意討論一些biology的問題，好鬼搞笑。

有次上堂，老師說我的名字"meredith"難讀，所以一定不能在切雞界成名。那天他叫我們遍輯一本雜誌，雜誌的名稱是以他為名，於是我就說"阿sir，我們不懂做咸書喔！"，cccc。

雜誌名稱定為"bingo magazine"，中文是"賓果周刊"，男同學就細聲講大聲笑的說，"賓果周刊"的簡稱是....賓周....o|_|o

★八月的切雞聚餐★攝於2000年7月31日

因為病，所以我二月退左學，但食飯當日，我偷偷地番左去上堂，因為我地果班得番八個人，所以呀sir記得多左個人坐響度，但又少左個人單名，我勁驚呀，我驚呀sir報警咋，就算俾人趕都瘀皮喇，好彩果堂bio呀sir(我地其中一個同學，佢係響中學教bio)無返，所以我就一邊笑(心虛所以笑)，一邊認左係bio呀sir個名(男仔名)，嘻，不過之後呀sir叫我畫乜畫乜，我都唔識畫，佢仲成日走過黎，嚇得我丫。於是我就上左一堂免費既電腦堂喇。之後我地去旺角食野蕉葉咖喱屋食飯，估唔到個接待小姐係我小學同學喎，我地相認左之後，佢竟然話以為我係男仔....唉....但我果日係著裙架喎，真係幾撲索迷離。

左起 : 史提芬，當日係佢萬歲架，多謝史提芬。

細拳，我老公呀(唔知幾時無喇喇做左)，佢設計好叻架，次次差唔多都係佢最高分，畫漫畫都有一手，可以去佢個網頁睇下佢既作品。佢而家響中銀度做呀，仲要係中環番工喎，呢呢呢，中環中銀大廈喎，真係威到震呀。我手上面既手布偶係佢送架，嘻，我最鐘意公仔。

sammi，靚女靚女靚女，同我一樣都係中五畢業黎讀既，細拳既另一個老婆仔，sammi而家都讀緊大一，好羡慕呀。

費迪，有時我地一齊去街，見到佢坐住「龍椅」都可以活動自如，真係好佩服呀，之前有幾次出去食飯，佢都黎車埋我，仲送埋我番屋企，真係麻煩晒。

當時我仲係頭髮好短呀，為免人地以為我男扮女裝，所以都甚少著裙，今次都算係難得既一次。

raymond，佢個臉型好似周潤發架，上堂果陣我地一講得興起，佢就會面紅。raymond講野唔算太多，但一開口就句句精境景，正。

vivian，電眼美人，中五畢業入黎讀既，聽講而家做緊秘書小姐呀，勁呀。

雯雯，同vivian係中學同學，我最記得有次佢拎左個二胡番黎，我地就迫佢響學校門口拉俾我地聽，好多放學既同學都忍唔住勁望，搞笑。
當日精彩日記

★生日快樂★攝於2000年6月9日

因為2000年既二月病左，所以唔可以再返學，唯有忍心退學喇，告別左呢班好同學之後，呢次係我地第一次再見過面，我地約響官塘食燒烤，呢次係我病後第一次出街食野，就係去食燒烤，無發燒都算幾好彩。食完之後我地去左記吹水，順便響度影相，其實係無人生日既。

左起，sammi。

細拳。

呀咩。

bio呀sir。雖然係響中學教書呀，但同我地一齊果陣好好玩架，一點都唔嚴肅，我諗佢一定係一個好老師。

★官塘舊麥記★攝於2000年6月9日

當日係我病左之後第一次同朋友出街，因為太耐無見人，所以出到去好驚，而且仲未有頭髮出，所以包住頭巾，但梗係覺得街上面既人成日望住，我又梗係覺得人地知我有病，所以我都顯得幾唔自然。

★官塘舊麥記★攝於2000年6月9日

嘻，大合照。