同學仔

★同學仔★MY CLASSMATE★

飲勝
1999-3-26
呢日係中五放會考假之前最後一日返學,我地成班女仔"被召"lunch同隔離班既 女仔一齊去大排檔食,果度個老板娘知我地係last day,所以一台送一支啤酒, 嘿嘿,我地四個乖女都唔飲酒既,但就"被迫"一人飲一小茶杯,但我已經wing到 塊面紅晒喇。
  • 左起,小主。班中狂讀書既學生。
  • 小乖乖。成日笑成日玩架佢,不過都係乖乖女黎既。
  • 呀連。我中學時代最好既朋友,我地成日孖公仔架。
  • 呀咩。「呀連唔好意思呀,我個樽庶住左你個靚樣。」
  • YMCA
    1999-3-26
    呢d咁肉麻既古怪動作,梗係我諗架喇,仲有「LOVE」架,嘻嘻,好開心有人肯陪我癲。
  • 左起,呀連。
  • 小主。
  • 呀咩。
  • 小乖乖。
  • 陳明又飛lu~
    2000-7-3
  • 左起,陳明,今次既主角。陳明係我中一既同學,亦都係我老公仔,嘿嘿,唔知點解 中學時代,女仔與女仔之間,好鐘意以老公老婆相稱,好似跟大咁,唔知算唔算社團既一種呢。
  • 呢個貌似光頭仔既物体,咪就係我囉,係咪好鬼似和尚仔呢,諗番都覺得自己勇,得果少少 頭髮都敢就咁走出街,不過夏天真係好爽。
  • 樹熊老師,亦係我契哥哥,雖然中學時代,流傳契哥契妹間總係有曖昧的定理,但我地當初上契 既原因,反而係唔想人以為我地有路,因為佢實在太照顧我,而我又太過願意俾佢照顧,多謝你。
  • 邦邦,又高又靚仔又似竹野內豐,瀟到暈。
  • 呀珊,又係中一識既。我最記得有次我同郭靖放學,響官塘見到呀珊排緊隊撘小巴,於是我地就走過去超大聲 嗌「陳孕套」,嘿嘿嘿,那個當然係佢既花名喇,結果成個官塘既人都望住我地,不過人地都睇慣 晒,我地間學校出名差架喇。因為呀珊皮膚天生易黑,所以我地個個都叫佢「白淨小女孩」,希望 有一日願望成真。
  • 郭靖,中一識既,響學校佢好多人追佢架。畢業後我地偶然會約出黎去行街,我覺得shopping 既魔力真係無限大,我地可以行足八、九個鐘,由太子行到去尖沙咀,勁呢?

    當日精彩日記

  • 殺師宴躲在廁所
    的七公主
    1999-6
  • 上左一,孫女呀珊。好搞笑的,都唔知佢諗乜,仲有成日蝦我呢個老人家。
  • 上左二,孫女施韻。好好人架。
  • 上左三,孫女靈靈。好純品,好女仔黎架。
  • 上左四,同學乙。
  • 中一,萬人敬仰既呀婆,咪就係我囉。
  • 下左一,孫女琪琪。好卡哇伊的,最可愛的孫女。
  • 下左二,mable。又是好卡哇伊的同學仔。
  • 有人黎搔擾病人呀
    2000-3-17
  • 左1234,am....隔離班既同學,講真真係唔係好熟,嘿嘿,佢地係咪未見過癌症病人 所以黎睇下我咩樣呢?
  • 左五,文昌。佢好好架,有日我剛剛做完手術,隻手唔郁得住,都係佢揋我食飯, 因為佢細路妹多,所以揋得好熟手。
  • 右四,因為果時剛剛化療完,頭髮起勢咁甩,唯免俾人見到我甩到地中海咁,所以戴 住頭巾,係美國國旗黎架,幾型呀。
  • 右三,陳明。佢番左黎香港,所以又黎陪下我。
  • 右二,jimmy仔,佢係響外國讀完書番黎,所以又陪下我。
  • 右一,bill,ammammm....我真係無乜野好講,我淨係知曾經俾佢誤會我鐘意佢,我真 係覺得超爆笑囉,佢仲話埋俾我知佢唔鐘意我,嘿嘿嘿....笑到我斷氣,我唔係話佢樣衰, 不過佢一定唔會係我杯茶囉,唉....我解釋,佢又以為我係被佢拒絕,所以死要面,點解天 下間會有如此自大男?唔講喇,費事話我因愛成恨呀,嘿嘿嘿。
  • 校慶
    1999-11-28
    2000-10
    呢日係母校校慶日,每年校慶亦即係換冬季校服既日子。
  • 左,bill。
  • 右,小丸子頭呀咩。
  • MY BEST FRIEND
    1999-1
    中五果年既校運會,我同susuky都無參加,但就好醒咁拿左人地個金牌黎影相。其實我同 susuky中四就識,但一直唔多老友,佢係班長,而我就係文書,我淨係覺得成日俾佢搵笨 ,蝦我,嗚~~~~但畢左業之後我地反而無端端friend左起黎,真係無奇不有。
  • 左,susuky。
  • 右,呀咩。
  • MY BEST FRIEND 2
    2000-8-31
    同上一張相相差年半,我同佢都唔同晒樣,佢就梗係索左喇,而我....咪man左囉。
  • 左,susuky。
  • 右,呀咩。

    當日精彩日記

  • 超串咀暉暉
    1999-9-22
    呢個人就是被放遂到加拿大的好朋友暉暉了,佢個口真係好大好大。好掛住佢呀,走左 幾年,成日都話番黎,但始終都係無番過黎。

    朋友中最索既邦邦
    1999-7-27
    最左面果個就係傳說中的邦邦喇,佢好似陳曉東又好似竹野內豐架,又高又型仔, 不過係唔多講野喇,哈哈,同我黎個相反,不過有d女仔又覺得佢係cool呢。我同佢一 直無同過班,不過佢係樹熊既同班同學,所以就唔知點樣識左喇。識佢都係因為人地話 佢似陳曉東咋。邦邦你真係好鬼索呀!